Imaz La tete
|Plan du site|Contact|Légal|Régie publicité|Site Réalisé par SOUBOU-Georges|
KIZINE. Padport

La list bann zingédyan po la kwisine tradisyonèl i sanz prèské pa po tout sort kalité kari, mé sakinn na son maniyèr fé. Sak moune na lo koudmin i fo, sé po saminm kan ou lé invité lo minm kari ké ou fé séou na pwin lo minm gou.

In sépis azouté i pé donn ingou diféran, lord po mèt lo bann zépis dann in marmint la osi na son linportans. Isi Larénion lo bann rosèt i évoli in bonpé dann réstoran, banna i èsèy in takon mélanz, mé sa i dépann lo gou domoune.
Pa tout domoune i iynm trikmardaz dann kari. Si sit la na fé ansort fé sinp po sa nou wa prann bann rosèt sinpl minm i viyn dann lo finkonn la tèt nout bann ganmoun.

Po awar in rosèt gayar minm i fo awar lo bon prodwi. Kan sèrtinl i di aou prodwi péi, lé élévé isi, sanm manzé i viyn déor sé in kalité prop a zot maniyèr di sé lé konm ki diré formaté po inn sèrtin kalité domoune i giny péyé. Dayèr lo bann prodwi lé asé sèr. Domoune koméla i giny pi manzé in viann, kiwsa koson, poul, prodwi 100% péi, minm si i propoz azot bonmarsé.

Pokosa? Lo moune lé sitèlman abitiyé manzé sat lé prodwi an batri, lo gou la fine pèr dann la bouss lo sèrvo i rokoné pi tro. Koméla la kaz kaziman tout domoune, bann marmay i giny pa manzé konmkifo, si la pwin spagéti, frit, ou poul dolo tir pa kart.

Dayèr dann mon bann voyaz kès kwiss poulé konzélé la pwin dann komèrs péi déor. La lé anvoyé dann nout péi (konbiyn daprézot i roviyn in kès 10 kilo la kwiss poulé konzélé 20/10= 2€ lo kilo po vann lo partikiliyé ladsi ou tir komisyon lo pri lo zèf- lotan po kouvé- lotan po élévé - lotan po tiy kondisyoné, anbalé, konzélé,stoké,transporté par bato laréniyon, stokaz isi,tansport dann bann komèrs, fé in marz po zot tir tousala konm fré kosa i rèss..,) po démont azot ké lé posib anpwazone in moune si in gran sinn alimantèr. Krwa a m<in banna i travay pa a pèrd mi koz pa sinpléman si la kwiss poulé, na dotr zaliman i pass par la.

Nana wa di aou kosa wafé kann ou la pwin moyin? Miwin mi di détanzanta fo fé aou plézir minm ké lé sèr gard la kalité é fé plézir aou.